काठमाडौैं । जनमत पार्टीका अध्यक्ष डा. सिके राउतले पदको लागि मात्रै राष्ट्रिय सहमतिको चर्चा गरेको भन्दै आपत्ति जनाएका छन्।
प्रतिनिधिसभाको बैठकमा बोल्दै उनले देश संकटमा परेको बेलामा राष्ट्रिय सहमतिको खोजी नभएको तर पदलाई लुछाचुँडी गर्नका लागि मात्रै राष्ट्रिय सहमतिको कुरा उठेको भन्दै आपत्ति जनाएका हुन् ।
उनले आफूहरूलाई दलभन्दा माथि उठ्न कुनै समस्या नभएको बताए । उनले भने, ‘मत दिनका लागि दलभन्दा माथि उठ्नुहोस् भनेर आग्रह गर्नुभएको छ। तपाईँहरूले कस्तो खालको राष्ट्रिय सहमति खोज्नुभएको हो? पुरै मधेसी र थारु समुदाय, जसपा, लोसपा, जनमत र नागरिक उन्मुक्ति पार्टीलाई एक छेउमा राखेर भित्तामा धकेलेर कस्तो राष्ट्रिय सहमति चाहनुभएको हो ? तपाईँहरू एउटा निश्चित, वर्ग, जातिको मुखौटाभन्दा माथि उठ्न सक्नुहुन्छ?’
