काठमाडौँ ।नेपाली कांग्रेसले सभामुखको उम्मेदवार टुंग्याउनुअघि प्रधानमन्त्री पुष्पकमल दाहाल प्रचण्डको जवाफ कुरेको छ । धुम्बाराहीमा बसेको पदाधिकारी बैठकमा प्रधानमन्त्री दाहालसँग छलफल गरेपछि मात्र उम्मेदवारीका बारेमा टुङ्गो लाग्ने जनाइएको छ ।
पार्टी प्रवक्ता प्रकाशशरण महतले न्युजपोलारसँग भन्नुभयो, “प्रधानमन्त्री र अरु दलसँग पनि छलफल गर्दैछौँ । कस्तो प्रतिक्रिया आउँछ त्यसका आधारमा मात्र अघि बढ्छौँ।”
पदाधिकारी बैठकअघि कांग्रेस सभापति शेरबहादुर देउवाले नेकपा ९एकीकृत समाजवादी० का अध्यक्ष माधव नेपाल र जनता समाजवादी पार्टी (जसपा) अध्यक्ष उपेन्द्र यादवसँग भेटवार्ता गर्नुभएको थियो । सत्ता गठबन्धनबाट नेकपा (एमाले) ले देवराज घिमिरेलाई सभामुखको उम्मेदवार बनाइसकेको छ ।
