काठमाडौं । पोखरामा भएको विमान दुर्घटनामा निधन भएकाहरुको शव लिन नेपाली सेनाको हेलिकोप्टर त्यसतर्फ प्रस्थान गरेको छ ।
विमान दुर्घटनामा परी निधन भएका विमान चालक दलका सदस्य, विदेशी नागरिक र काठमाडौँ घर भएकाहरुको शव काठमाडौँ ल्याउन लागिएको हो । शव लिन सेनाको हेलिकोप्टर त्रिभुवन विमानस्थलबाट पोखरातर्फ उडिसकेको छ ।
दुर्घटनामा परेका ७२ जनामध्ये ६९ जनाको शव प्राप्त भइसकेको छ । जसमध्ये २६ जनाको पहिचान खुलेको छ । दुर्घटनामा निधन भएकामध्ये पोखराका नागरिकको हकमा पोखरामै पोस्टमार्टम गरी आफन्तको जिम्मा लगाइनेछ भने काठमाडौँ ल्याइने शवको हकमा काठमाडौँमै पोस्टमार्टम गरिनेछ ।
