काठमाडौँ । पोखरामा विमान दुर्घटनामा निधन भएकाहरुको शव पहिचानका लागि काठमाडौँबाट दुई जना फरेन्सिक विज्ञ पोखरा जाने भएका छन् ।
नेपाल नागरिक उड्डयन प्राधिकरणका अनुसार दुर्घटनामा अहिलेसम्म २६ जनाको मात्र शव पहिचान भएको छ । विमानमा सवार ७२ मध्ये हालसम्म ६८ को शव फेला परेको जनाइएको छ । चार जनाको शवको खोजी भइरहेको छ ।
दुर्घटनास्थलबाट निकालिएका शवहरुलाई पोखरा स्वास्थ्य प्रतिष्ठानमा राखिएको छ । टिचिङ अस्पताल महाराजगञ्जका फरेन्सिक विशेषज्ञ डा गोपाल चौधरी र डा समारिका दाहाल पोखरा जाँदै हुनुहुन्छ ।
