काठमाडौं । नेकपा एमालेको संसदीय दलको बैठक बानेश्वरको ल्होत्से हलमा शुरु भएको छ ।
बैठकमा वरिष्ठ नेता माधवकुमार नेपाल समूहका सांसदहरु सहभागी भएका छैनन् ।
सरकारबाट ओली बाहिरिएपछि पहिलो पटक संसदीय दलको बैठक बसेको हो ।
आजै बसेको स्थायी समितिको बैठकलाई रोकेर एकता प्रक्रिया अघि बढाउन आग्रह गर्दै सो समूह आफ्ना कुरा राखेर फर्किएका थिए ।
ललितपुरस्थित तुलसीलाल अमात्य प्रतिष्ठानमा बसेको स्थायी समितिको बैठकमा नेपाल पक्षका नेताहरु भीम रावल , सुरेन्द्र पाण्डे, घनश्याम भुसाल, गोकर्ण विष्ट र भीम आचार्य पुगेका थिए ।
