काठमाडौं । नेपाली काग्रेसका नेता डा मिनेन्द्र रिजालले पुष्पकमल दाहाल नेतृत्वको सरकारलाई बिश्वासको मत दिने कांग्रेसको निर्णय अस्वाभाविक भएको जनाउनु भएको छ ।
काग्रेस संसदीय दलले दाहाललाई बिश्वासको मत दिने निर्णय गरेको केही समय पछि सामाजिक संञ्जालमा रिजालले लेख्नु भएको छ ‘प्रस्तावको पक्षमा मत दिने नेपाली काङ्ग्रेसको निर्णय अस्वाभाविक छ ।’
उहाँले लेख्नुभएको छ –
लोकतन्त्रमा सरकार र प्रतिपक्षको सम्बन्ध स्वस्थ्य प्रतिस्पर्धा, आलोचना, खबरदारी र विकल्प प्रस्तुतिको हुनुपर्दछ। प्रधानमन्त्रीमाथिको विश्वासको मतको प्रस्तावको विपक्षमा मत दिनुले सम्बन्ध वैमनस्यताको बन्दैन। त्यसैले यो प्रस्तावको पक्षमा मत दिने नेपाली काङ्ग्रेसको निर्णय अस्वाभाविक छ।
