काठमाडौँ । नेपालका लागि नवनियुक्त चिनियाँ राजदूत छन सोङ आइतबार नेपाल आइपुग्नुभएको छ ।
काठमाडौँ आएपछि राजदूत सङले नेपाल र चीनबीच ऐतिहासिक सम्बन्ध रहेको र त्यसका विभिन्न आयाम रहेको बताउनुभएको छ ।
नेपाल–चीन सम्बन्धमा नयाँ अध्याय थप्न र दुवै मुलुकका जनताको विकास र समृद्धिका लागि सबै पक्षसँग सहकार्य गर्न आफू तयार रहेको उहाँले बताउनुभयो ।
राजदूत सोङ चीनको विदेश मामिला मन्त्रालयमा एसिया मामिला विभागका उपमहानिर्देशकसमेत रहनुभएको थियो ।
विगत दुई महिनादेखि नेपालका लागि चिनियाँ राजदूत रिक्त रहेको थियो। चार वर्षे कार्यकाल पूरा गरेर होउ यान्छी आसियानका लागि राजदूत नियुक्त भएपछि छन सोङ नेपालका लागि राजदूतमा नियुक्त हुनुभएको हो ।
नयाँ राजदूत छनको एग्रिमो नेपालले स्वीकृत गरिसकेकाले उहाँ जिम्मेवारी सम्हाल्न नेपाल आउनुभएको हो ।
छनले नेपालसहित दक्षिण एसियाली मुलुकहरू हेर्दै आउनुभएको छ ।
