काठमाडौं । सरकारले ७ सचिवको सरुवा गरेको छ ।
आज बसेको मन्त्रिपरिषद् बैठकले अर्थमन्त्रालयमा उद्योग, वाणिज्य तथा आपूर्ति मन्त्रालयका सचिव ९वाणिज्य० तोयम रायालाई अर्थ सचिवमा सरुवा गरेको छ । अख्तियार दुरुपयोग अनुसन्धान आयोगका सचिव डा . राम प्रसाद घिमिरेलाई राजश्व सचिव सरुवा गरेको छ ।
अर्थ सचिवको जिम्मेवारीमा रहनुभएका कृष्णहरि पुष्करलाई प्रधानमन्त्री तथा मन्त्रिपरिषद्को कार्यालयमा र राजश्व सचिव रामेश्वर दंगाललाई अख्तियारमा सरुवा गरेको छ ।
यसैगरी प्रधानमन्त्री तथा मन्त्रिपरिषद्को कार्यालयका सचिव मधु मरासैनीलाई उद्योग, वाणिज्य तथा आपूर्ति मन्त्रालयमा प्रधानमन्त्री तथा मन्त्रिपरिषद्को कार्यालयका कानुन सचिव धनराज ज्ञवालीलाई कानुन, न्याय तथा संसदीय मामिला मन्त्रालय र कानुन सचिव उदयराज सापकोटालाई प्रधानमन्त्री तथा मन्त्रिपरिषद्को कार्यालयमा सरुवा गरिएको छ ।
