बुटवल । लुम्बिनी प्रदेशमा यही पुस २७ गते दिउँसो ४ बजेसम्म सरकार गठन गर्न आह्वान गरिएको छ । प्रदेश प्रमुख अमिक शेरचनले संविधानको धारा १६८ को उपधार २ बमोजिम मुख्यमन्त्रीमा दाबी पेश गर्न प्रदेशमा प्रतिनिधित्व गर्ने दलहरुलाई आह्वान गर्नुभएको हो ।
लुम्बिनी प्रदेशमा एकल सरकार बनाउन कुनै पनि दलको बहुमत नपुग्ने भएपछि संविधानको उक्त उपधाराबमोजिम प्रदेशमा प्रतिनिधित्व गर्ने दुई वा दुईभन्दा बढी दलको समर्थनमा प्रदेशसभा सदस्यलाई मुख्यमन्त्रीमा दाबी पेश गर्न आह्वान गरिएको छ ।
लुम्बिनी प्रदेशमा ८७ प्रदेशसभा सदस्य छन् । बहुमतका लागि न्यूनतम ४४ प्रदेशसभाको समर्थन आवश्यक पर्छ ।
