काठमाडौँ । नेपाल राष्ट्र बैंकले चालु पूँजी कर्जासम्बन्धी मार्गदर्शन, २०७९ संशोधन गरेको छ । प्रधानमन्त्री पुष्पकमल दाहाल प्रचण्डको निर्देशनपछि केन्द्रीय बैंक वित्तीय अनुशासन र स्थायित्व कायम गर्ने भनिएको उक्त मार्गदर्शन संशोधन गर्न सहमत भएको हो ।
अब केन्द्रीय बैंकले मार्गदर्शनमा भएको चालु सम्पत्ति र वार्षिक कारोबारका आधारमा मात्रै चालु पूँजी कर्जा पाइने व्यवस्थालाई तत्काल कार्यान्वनयनमा ल्याउने छैन । राष्ट्र बैंकका गभर्नर महाप्रसाद अधिकारीले बुधबार अर्थमन्त्री विष्णु पौडेल र प्रधानमन्त्री प्रचण्डसँग भेट गरेपछि मार्गदर्शन संशोधन गर्नुभएको हो ।
लामो गृहकार्यपछि गत भदौ ७ गते नेपाल राष्ट्र बैंकले चालु पूँजी कर्जासम्बन्धी मार्गदर्शन,२०७९ जारी गरेको थियो । यद्यपि बैंकले २०७८ पुस १० गते नै ३५ दिनभित्र राय सुझाव पेश गर्न भन्दै यसको मस्यौदा सार्वजनिक गरेको थियो । सात महिनापछि जारी गरेको उक्त मार्गदर्शन कात्तिक १ गते कार्यान्वयनमा ल्याइएको थियो ।
संशोधन भएको मार्गदर्शनमा चालु पूँजीले दिएको सीमाभन्दा बढी ऋण चलाउने व्यवसायीलाई सीमाभित्र ल्याउन २ वर्षको समय दिने व्यवस्था गरिएको छ ।
मार्गदर्शन संशोधनको पूर्णपाठ
[pdf-embedder url=”https://newspolar.com/wp-content/uploads/2023/01/WC-Guidelines-1st-Amendment-upload.pdf” title=”WC Guidelines 1st Amendment upload”]
