काठमाडौँ । नेपाली राष्ट्रिय क्रिकेटरद्वय शरद भेषवाकर र आरिफ शेखले बलात्कार आरोपमा मुद्दा खेपिरहेका क्रिकेटर सन्दीप लामिछानेलाई न्याय दिन आग्रह गरेका छन् ।
बुधबार सामाजिक सञ्जाल फेसबुकमा दुवै जनाले एक पोस्ट गर्दै ह्यासट्यागमा ‘जस्टिस फर सन्दीप लामिछाने’ लेखेका छन्। आरिफले सन्दीपलाई जतिसक्दो चाँडो न्याय होस् भन्दै सन्दीपले देशलाई फेरि गौरवान्वित गर्न सकुन् भनेर कामना समेत गरेका छन्।
सन्दीपमाथि १७ वर्षीया एक किशोरीमाथि बलात्कार गरेको आरोप लागेसँगै कामठाडौँ जिल्ला अदालतले पुर्पक्षका लागि थुनामा पठाउन आदेश दिएको छ । अहिले उनी सुन्धारास्थित केन्द्रीय कारागारमा छन् । कारागारमा रहँदा उनलाई डिप्रेसनको समस्या भएको बताइएको छ ।
