विराटनगर । यही पुस २४ गते आइतबार बेलुका ५ बजेभित्र प्रदेश १ मा मुख्यमन्त्री नियुक्त गर्नका लागि दाबी पेस गर्न समयसीमा दिइएको छ ।
प्रदेशप्रमुख पर्शुराम खापुङले संविधानको धारा १६८ को उपधारा (२) बमोजिम सरकार गठनका लागि प्रदेशसभामा प्रतिनिधित्व गर्ने दलहरुलाई दाबी पेश गर्न आह्वान गर्नुभएको हो ।
प्रदेश १ मा कुनै पनि दलले एकल बहुमत हासिल नगरेकाले उपधारा २ बमोजिम प्रदेशसभामा प्रतिनिधित्व गर्ने दुई वा दुईभन्दा बढी दलहरुको समर्थनमा बहुमत पुर्याएर मुख्यमन्त्री नियुक्तिका लागि दाबी पेश गर्न आह्वान गरिएको हो ।
