एजेन्सी । स्पेनिस फुटबल लिग ला लिगा अन्तर्गत एट्लेटिको मड्रिडले जित निकालेको छ । शनिबार राति भएको खेलमा एट्लेटिकोले ओसासुनालाई उसकै मैदानमा ३-० गोलले पराजित गरेको हो ।
एट्लेटिकोलाई जित दिलाउन खेलको तेस्रो मिनेटमा जोआओ फेलिक्स, ५९ औं मिनेटमा लुइस स्वारेज र ८९ औं मिनेटमा एंगेल कोरीयाले गोल गरे । जितसँगै २५ खेलबाट ४२ अंक जोडेको एट्लेटिको तालिकाको चौंथो स्थानमा छ भने ओसासुना २५ खेलबाट ३२ अंकसहित नवौं स्थानमा छ ।
यस्तै, शनिबार राति नै भएको अर्को खेलमा रियल मड्रिडले अलाभेसलाई ३-० गोलले पराजित गर्यो । घरेलु मैदानमा रियललाई जित दिलाउन मार्को एसेन्सीओ, भिनिसियस जुनियर र करिम बेन्जेमाले गोल गरे ।
जितसँगै २५ खेलबाट ५७ अंकसहित रियल तालिकाको शीर्ष स्थानमा यथावत छ भने अलाभेस २५ खेलबाट २० अंकसहित १९ औं स्थानमा छ ।
