काठमाडौं । पुष्पकमल दाहाल ‘प्रचण्ड’ नेतृत्वको सरकारलाई समर्थन गरेको जनता समाजवादी पार्टी (जसपा) ले सरकारमा जाने/नजाने भन्ने बारे छलफल गर्न बैठक बोलाएको छ ।
सरकारमा सहभागिता हुने/नहुने बारे टुंगो लगाउन पुस १८/१९ गते राजनीतिक समितिको बैठक बस्ने जसपा प्रचार विभाग प्रमुख पूर्ण बस्नेतले बताए । संसदीय दलको नेता चयनको प्रक्रिया पनि त्यतिबेलासम्म टुंग्याइसक्ने उनले जानकारी दिए ।
सातदलीय गठबन्धनमा सरिक रहेको जसपाका १२ संघीय सांसद छन् ।
