काठमाडौँ । नेकपा (एमाले)पार्टी उपाध्यक्ष विष्णु पौडेलको नेतृत्वमा प्रधानमन्त्री पुष्पकमल दाहाल प्रचण्ड नेतृत्वको गठबन्धन सरकारमा सहभागी हुने भएको छ ।
पार्टी अध्यक्ष केपी शर्मा ओली निवास बालकोटमा बसेको काठमाडौँमा उपलब्ध पार्टीका पदाधिकारीसहितको बैठकले एमालेका तर्फबशाट पौडेलको नेतृत्वमा सरकारमा सहभागी हुने निर्णय गरेको हो ।
सात दलीय गठबन्धनमा एमालेले छ वटा मन्त्रालय पाउने बताइएको छ । पौडेलले उपप्रधानमन्त्रीसहित अर्थमन्त्रालयको नेतृत्व गर्ने बताइएको छ । एमालेले यसअघि सरकारबारे निर्णय लिने जिम्मा अध्यक्ष ओलीलाई दिएको थियो ।
आजै अपराह्न ४ बजे प्रधानमन्त्री प्रचण्डले पद तथा गोपनीयताको शपथ लिँदै हुनुहुन्छ । आज सत्तारुढ सात दलका तर्फबाट सातदेखि नौ सदस्यी मन्त्रिमण्डल गठन हुने सम्भावना रहेको छ ।
