काठमाडौँ । धनुषा–४ मा प्रतिनिधिसभा सदस्यमा नेपाली कांग्रेसका उम्मेदवार महेन्द्र यादवले पुनः मतगणनाको माग गर्दै सर्वोच्च अदालतमा रिट दायर गर्नुभएको छ ।
उक्त क्षेत्रबाट नेकपा (एमाले) का उम्मेदवार रघुवीर महासेठले यादवलाई पराजित गर्नुभएको थियो । यादवले निर्वाचन आयोगले सार्वजनिक गरेको मत परिणामप्रति असहमति जनाउँदै बुधबार सर्वोच्च अदालतमा रिट दायर गर्नुभएको हो ।
उहाँले पुनः मतगणनाको माग गर्नुभएको छ । सर्वोच्च अदालतको संवैधानिक अदालतमा दर्ता भएको उक्त रिटमा निर्वाचन आयोग , मुख्य निर्वाचन अधिकृतको कार्यालय धनुषा , जिल्ला निर्वाचन कार्यालय धनुषा, प्रमुख जिल्ला अधिकारी र एमाले उम्मेदवार महासेठलाई विपक्षी बनाइएको छ ।
