एजेन्सी । ‘दृश्यम २’ रिलिज भएको २२ दिन बितिसकेको छ । यद्यपि, फिल्मको कमाई भने अझै रोकिएको छैन । फिल्मले हालसम्म १९६ करोड कमाएको छ र अब २०० करोड क्लबमा सामेल हुने तयारीमा छ ।
योसँगै ‘दृश्यम २’ अजय देवगनको तेस्रो सर्वाधिक कमाई गर्ने फिल्म बनेको छ ।
दृश्यम २ को अगाडि ‘तानाजी’ र ‘गोलमाल अगेन’ रहेको छ । यदि दृश्यम २ ले यस्तै कमाइ गरिरह्यो भने, यसले छिट्टै गोलमाल अगेनको लाइफटाइम कलेक्शनलाई पार गर्नेछ ।
नयाँ फिल्म रिलिज भए पनि दृश्यम २ को कमाईमा खासै फरक परेको छैन । फिल्मको सङ्कलन २०० करोडको आँकडा छुन केही कदम मात्र टाढा छ । दृष्यम २ अजय देवगनको करियरको तेस्रो सबैभन्दा धेरै कमाउने फिल्म हो ।
यसअघि २०२० मा फिल्म ‘ताना जीः द अनसंग वारियर’ले २७९.५५ करोडको लाइफटाइम कलेक्सन गरेको थियो । यसपछि २०१७ मा आएको उनको फिल्म गोलमाल अगेनले २०५.६९ करोड कलेक्सन गरेको थियो ।
दृश्यम २ को बजेट करिब ६० करोड थियो । फिल्मले तेस्रो दिनमै ६४ करोड कलेक्सन गरेको थियो ।
अभिषेक पाठकले निर्देशन गरेको यस फिल्ममा अजय देवगन, तब्बु, श्रेया सरन, अक्षय खन्ना र इशिता दत्त मुख्य भूमिकामा छन् ।
