काठमाडौँ । समानुपातिक सांसदको नाम टुङ्ग्याउन बसेको नेकपा (माओवादी केन्द्र)को पदाधिकारी बैठक जारी छ । पार्टी केन्द्रीय कार्यालय पेरिसडाँडामा बैठक बसेको हो ।
नेकपा (माओवादी केन्द्र)ले प्रतिनिधि सभामा १४ र प्रदेश सभामा २९ समानुपातिक सांसद छान्नुपर्ने हुन्छ ।
निर्वाचन आयोगले दलहरूले पाएको समानुपातिक मतका आधारमा समानुपातिकबाट निर्वाचित हुने सिट संख्या तोकेर नाम पठाउन पत्र काटेपछि दलहरू बन्दसूचीमा रहेका नाम छुट्याएर आयोगलाई पठाउनका लागि व्यस्त छन् ।
मंसिर ४ मा सम्पन्न आम निर्वाचनमा माओवादी केन्द्रले प्रत्यक्षतर्फ १८ सिट जितेको छ भने समानुपातिकतर्फ १४ सिट जितेको छ ।
