काठमाडौँ । नेपाल समाजवादी पार्टीका अध्यक्ष डा बाबुराम भट्टराईले जनमत पार्टीका अध्यक्ष डा सिके राउत र अन्य उच्च पदाधिकारीसँग समसामयिक राजनीतिबारे उपयोगी छलफल भएको बताउनुभएको छ ।
उहाँले सोमबार टिव्ट गर्दै आफूले विगतमा डा राउतलाई सिंहदरबारमा भेट्दा औँला उठाउनेहरु आज गलत साबित भएको भन्दै खुशी प्रकट गर्नुभएको छ ।
उहाँले भन्नुभएको छ, “मैले संविधान निर्माणको क्रममा संवैधानिक समितिको सभापतिको हैसियतले तत्कालीन सबै विद्रोही समूहहरूको समेत राय लिने क्रममा वहॉलाई सिंहदरबारमा भेट्दा औंला उठाउनेहरू आज गलत सावित भएकोमा खुशी।”
