काठमाडौं । स्याङ्जा निर्वाचन क्षेत्र नं २ बाट प्रतिनिधिसभा सदस्यमा नेपाली काँग्रेसका उम्मेदबार धनराज गुरुङ विजयी हुनु भएको छ ।
सत्ता गठबन्धनका साझा उम्मेदबार गुरुङले नेकपा (एमाले)की उम्मेदवार पद्मा अर्याललाई पराजित गर्नुभएको छ । गुरुङले ३१ हजार ४ सय ६६ मत प्राप्त गर्दा अर्यालले भने २५ हजार ८ सय ३९ मत प्राप्त गर्नुभयो । उहाँहरु बीच ५ हजार ६ सय २७ मतान्तर रहेको थियो ।
गुरुङलाई स्याङ्जा २ मा चापाकोट नगरपालिकाका ३ वटा बुथ कब्जा गरेर चुनाव जितेको आरोप लागेको छ ।
