काठमाडौं । मधेशी आयोगले काठमाडौं महानगरपालिकाका मेयर बालेन शाहविरुद्ध गरेको नाराबाजीमा मधेशी समुदायमाथि अपमानजनक शब्द प्रयोग गरिएको भन्दै कारबाहीको माग गरेको छ ।
मधेशी समुदायमाथि अपमानजनक शब्द प्रयोग गरी सम्पूर्ण मधेशी समुदायलाई अपमानित र सामाजिक सद्भाव तथा राष्ट्रिय एकता खलल पार्ने काम भएको भन्दै आयोगले कारबाहीको माग गरेको हो ।
मधेशी आयोगले काठमाडौं महानगरपालिकाका मेयर बालेन शाहविरुद्ध नाराबाजी गरेको भिडियोमा मधेशी समुदायमाथि अपमानजनक शब्द प्रयोग गरिएको भन्दै यसमा संलग्नलाई कारबाही गर्न गृह मन्त्रालय र प्रहरीलाई आग्रह गरेको छ ।
आयोगले गृह मन्त्रालय र प्रहरी प्रधान कार्यालयलाई लेखेको पत्रमा लेखेको छ– ‘थापाथलीस्थित सुकुम्बासी जग्गासम्बन्धी महानगरको कार्यको विरोधको क्रममा सामाजिक सञ्जालमा एक व्यक्तिले सम्पूर्ण मधेशी समुदायलाई अपमानित र सामाजिक सद्भाव तथा राष्ट्रिय एकता खलल पार्ने कार्य गरेको हुनाले निजलाई कानुन बमोजिम कडा भन्दा कडा कारबाही गर्नका लागि आदेशानुसार अनुरोध छ ।’
मंसिर १४ गते सामाजिक सञ्जालमा भाइरल एक भिडियोमा मेयर बालेन शाहविरुद्ध नाराबाजी भएको थियो ।
मधेशी आयोगको पत्र यस्तो छ:
