काठमाडौं । इंग्ल्यान्डका डिफेन्डर बेन ह्वाइटले कतारमा जारी विश्वकपको बाँकी खेल नखेल्ने भएका छन् ।
बुधबार व्यक्तिगत कारण देखाउँदै डिफेन्डर बेन स्वदेश फर्किएका इंग्लिस फुटबल संघले बताएको छ । संघले यस विषयमा थप केही कुरा भने खुलाएको छैन ।
इंग्ल्यान्ड एफएले भने खेलाडीको गोपनीयतालाई सम्मान गर्न उनले क्याम्प छाड्नुको कारण गोप्य राखिएको जनाएको छ । एफएले बेन बाँकी खेलका लागि टिममा नफर्किने बताएको छ ।
कतारमा जारी विश्वकपमा उनी इरान र अमेरिकाविरुद्धको खेलका लागि छनोट भएनन् र बिरामीका कारण वेल्सविरुद्धको खेल पनि गुमाएका थिए । २५ वर्षीय बेनले इङ्ल्यान्डका लागि ४ खेल खेलेका छन् ।
इंग्ल्याण्डले अन्तिम १६ मा सेनेगल विरुद्ध खेल्नेछ ।
