काठमाडौं । सुनसरी क्षेत्र नम्बर ४ मा नेपाली कांग्रेसका उम्मेदवार एवं संचार तथा सूचना प्रविधि मन्त्री ज्ञानेन्द्र बहादुर कार्की विजयी हुनु भएको छ ।
कार्कीले ३० हजार ४८३ मत प्राप्त गर्दै विजयी हुनु भएको हो । उहाँका निकटतम् प्रतिद्वन्द्वी नेकपा एमालेका उम्मेदवार जगदीशप्रसाद कुसियैतले ३० हजार ३७१ मत प्राप्त गर्नुभयो । विजेता कार्कीले ११२ मतको अन्तरले कुसियैतलाई पराजित गर्नु भएको छ ।
कार्कीले यसअघि २०७४ मा समेत सुनसरीबाटै विजयी भइ सांसद हुनु भएको थियो ।
