काठमाडौं । स्याङ्जा–२ मा बुधबार राति ९ बजेदेखि मतगणना थालिने भएको छ ।
निर्वाचन आयोगले आज मतगणना गर्न निर्देशन दिएपछि जिल्लामा बसेको सर्वदलीय बैठकले राति ९ बजेदेखि मतगणना गर्ने निर्णय गरेको हो ।
मङ्सिर ४ गते सम्पन्न भएको मतदानको ११ दिनपछि मतगणना सुरु हुन लागेको हो । नेकपा (एमाले)ले चापाकोट नगरपालिकाको चार बुथमा धाँधली गरी बुथ कब्जा भएको आरोप लगाउँदै पुनः मतदानको माग गर्दै आएको थियो । अर्कोतर्फ कांग्रेसले भने तत्काल मतगणनाको माग गर्दै आएको थियो ।
यो क्षेत्रमा नेकपा एमालेबाट सचिव पद्मा अर्याल, नेपाली कांग्रेसबाट उपसभापति धनराज गुरुङ, राष्ट्रिय स्वतन्त्र पार्टीबाट टिकराज गुरुङलगायत उम्मेदवार छन् ।
