काठमाडौँ । कतारमा जारी फिफा विश्वकप फुटबल अन्तर्गत नेदरल्यान्ड्स समूह ‘ए’ को विजेता बन्दै नकआउट चरणमा प्रवेश गरेको छ ।
समूहको अन्तिम खेलमा आयोजक कतारलाई २–० गोलले पराजित गर्दै समूह चरणमा अपराजित रहेको नेदरल्यान्ड्सले अन्तिम १६ मा स्थान बनाएको हो ।
अल बेयत रंगशालामा मंगलबार राति भएको खेलको २६ औं मिनेटमा कोडी गाक्पोले गोल गर्दै नेदरल्यान्ड्सलाई सुरुवाती अग्रता दिलाए । ४९ औं मिनेटमा फ्रेन्की डे योङले गोल गर्दै नेदरल्यान्ड्सको अग्रता दोब्बर पारे । त्यसपछि खेलमा थप गोल हुन सकेन ।
नेदरल्यान्ड्स समूह विजेताको बन्दै नकआउट चरणमा प्रवेश नेदरल्यान्ड्सले ३ खेलमा ७ अंक जोड्यो । सेनेगल ३ खेलमा २ जितसहित ६ अंक जोड्दै समूहको दोस्रो स्थानमा रह्यो । इक्वेडर ४ अंकसहित तेस्रो स्थानमा रहँदा आयोजक कतार भने अंकबिहिन बन्दै पुछारमा रह्यो ।
