काठमाडौँ । गण्डकी प्रदेश कास्की ३ ९१० का नवनिर्वाचित प्रदेशसभा सदस्य गणेशमान गुरूङले प्रदेश सरकारबाट आफूले पाउने सबै सुविधाबापतको सबै रकम गरिब ,असाहय, दीन दुःखी र सामाजिक कार्यमा समर्पण गर्ने बताउनुभएको छ ।
नेकपा ९एमाले० माछापुच्छ्रे गाउँपालिका कमिटीद्वारा आयोजित प्रतिनिधि सभा र प्रदेशसभाका लागि नवनिर्वाचित एमालेका उम्मेदवारलाई बधाई, मतदातालाई धन्यबाद र सुझाव सङ्कलन कार्यक्रममा उहाँले सो घोषणा गर्नुभएको हो ।
गुरूङले आफूलाई सूर्य चिह्नमा मतदान गरी विजयी गराउने सम्पूर्ण माछापुच्छ्रेबासीलाई धन्यवाद दिँदै जनताले रगत बगाएर ल्याएको अधिकारसँगै सङ्घीयतालाई मजबुत र बलियो बनाउनका लागि प्रदेशसभामा आफूले उम्मेदवारी दिएको बताउनुभयो ।
गणतन्त्र आएपछि काडमाडौँ केन्द्रित सिंदरबार गाउँ गाउँमा आए पनि जनताले त्यो सुबिधा र सहजता नपाएको भन्दै त्यत्सलाई अझ साँच्चिकै गाउँ गाउँमा आएको महसुस बनाउनका लागि र प्रदेश सरकारले पाउनु पर्नै अधिकारका लागि आफू लागि पर्ने उहाँले बताउनुभयो ।
गाउको विकासका लागि आफ्नो पहिलो प्राथामिकता शिक्षा, स्वास्थ्य, पर्यटन कृषि र सडकका लागि जाने उहाँको भनाइ थियो ।
