काठमाडौँ । नेकपा (एकीकृत समाजवादी) का सम्मानित नेता झलनाथ खनालको प्रतिनिधिसभा सदस्य निर्वाचनमा हार निश्चित भएको छ । उनी पराजयको संघारमा पुगेका छन् ।
इलाम निर्वाचन क्षेत्र नं १ को मतगणना अन्तिम चरणमा पुगेको छ । मतगणना जारी छ । पछिल्लो मतगणनाअनुसार खनाल नेकपा (एमाले) का उम्मेदवार महेश बस्नेतसँग दुई हजार ५०० मतले पछाडि परेका छन् । यो क्षेत्रमा खनालको सातौँ पटकको उम्मेदवार थियो । यस निर्वाचनमा उनी बस्नेतसँग सुरुदेखि नै पछाडि परेका हुन् ।
ताजा मतपरिणामअनुसार बस्नेत २४ हजार ३०४ मत ल्याएर अग्रस्थानमा छन् । निकटतम प्रतिस्पर्धी खनालले २१ हजार ८०२ मत पाएका छन् । निर्वाचनमा कूल ५९ हजार ९०६ मत खसेको थियो र अहिलेसम्म ५६ हजार ४९२ मत गणना भइसकेको छ ।
अब करिब ३ हजार मत गन्न बाँकी छ । दुई हजार ५०० मतले पछि परेका खनाललाई अब गन्न बाँकी सबै मत आउने सम्भावना न्यून छ । उनले मतदानमा धाँधली भएको भन्दै पुनः मतदानको माग गरेका थिए तर निर्वाचन आयोगले उनको मागलाई अस्वीकार गरेको थियो ।
