कैलाली । सुदूरपश्चिम प्रदेशको कैलाली निर्वाचन क्षेत्र नं ३ बाट रेशम चौधरीको नागरिक उन्मुक्ति पार्टी विजयी हुँदै प्रतिनिधिसभामा खाता खोलेको छ ।
प्रतिनिधिसभा सदस्य निर्वाचनका लागि सो निर्वाचन क्षेत्रमा कुल ६३ हजार ४४० मत खसेको थियो । नागरिक उन्मुक्ति पार्टीका गंगा चौधरी २३ हजार १२० मत ल्याई विजयी बनेका हुन् ।
उनका निकट प्रतिद्वन्द्वी सत्ता गठबन्धनबाट नेकपा (माओवादी केन्द्र) का कुन्दन चौधरीले १७ हजार ७४९ मत प्राप्त गरे । यसैगरी नेकपा (एमाले) का गौरीशंकर चौधरीले ९ हजार ८७४ र राष्ट्रिय प्रजातन्त्र पार्टी (राप्रपा) का वीरेन्द्र बमले ७ हजार ७४ मत हासिल गरेका छन् ।
