२१ चैत्र २०८१, बिहीबार
April 3, 2025 Thursday

28.27°C

काठमाडौं

28.27°C

Kathmandu

Feels-like: 26.85

Wind: 3.09

Humidity: 16

Latest
आन्दोलनरत शिक्षकलाई वार्तामा आउन सरकारको आग्रह प्रधानमन्त्री ओली र भारतीय प्रधानमन्त्री मोदीबीच कहिले हुँदैछ भेटवार्ता ? म्यान्मामा भूकम्पमा परी मृत्यु हुनेको सङ्ख्या तीन हजारभन्दा बढी पुग्यो बसाइसराइ रोक्न ग्रामीण क्षेत्रमा विकासका योजना सञ्चालन उपमेयर डंगोलको नेतृत्वमा प्रमुख प्रशासकीय अधिकृतसहितको बैठक जारी पोखरामा मुख्य याममा नै पर्यटकको आवागमन कमी वायु प्रदूषण बढेपछि स्वास्थ्य मन्त्रालयद्वारा सतर्कता अपनाउन आग्रह चैती छठको अवसरमा जनकपुरधामका प्रमुख सरोवरहरूमा भक्तजनको भीड गुरागाईँलाई स्वागत गर्न उपमेयर सुनिता डंगोल पनि उपस्थित तीनकुने घटना: स्वतन्त्र छानबिन आयोगको गठन गर्न राप्रपाको माग
तपाईं के खोज्दै हुनुहुन्छ ?

अपेक्षा गरेभन्दा राम्रो नतिजा ल्याउँदैछौँ: सभापति लामिछाने



अ+ अ-

चितवन । राष्ट्रिय स्वतन्त्र पार्टीका सभापति रवि लामिछानेले आफ्नो पार्टीले अपेक्षा गरेभन्दा राम्रो नजिता ल्याउने बताउनुभएको छ । आज मतदान सम्पन्न भएपछि सञ्चारकर्मीसँग कुरा गर्दै सभापति लामिछानेले देशभर नयाँ तरङ्ग पैदा गरेको बताउनुभयो ।

“देशभरको रिपोर्टिङले उत्साहित छु”, उहाँले भन्नुभयो, “सबै मतदाताले विश्वास गरेका छौँ है भन्नुभएको छ ।” उहाँले देशभर प्रत्यक्ष र समानुपातिकतर्फको नतिजा आफ्नो पार्टीको पक्षमा बलियो रूपमा आउने बताउनुभयो । “हामीले अपेक्षा गरेकोभन्दा पनि धेरै मत पाउँदैछौँ, देशभरबाट धेरै माया र विश्वास मतदाताले गर्नुभएको छ”, उहाँले भन्नुभयो ।

पहिलो पटक मतपत्रमा घण्टी चुनाव चिह्न देख्दा गर्वको महसुस भएको सभापति लामिछानेले बताउनुभयो । “एकछिन मतपत्र हेरेर बसेँ,” उहाँले भन्नुभयो, “ठूलो जिम्मेवारी बोध महसुस भएको छ ।” देशैभरि देखिएको उत्साह र जिम्मेवारीलाई बहन गर्न पार्टी तयार रहेको उहाँले बताउनुभयो । बलियो र दरिलो अभियानका साथ आएको भन्दै उहाँले पार्टी सरकारमा जान तयार भए पनि हतार भने नगर्ने बताउनुभयो ।

लामिछानेले नागरिकता विषयमा निर्वाचन आयोगले सोधेको प्रश्नको विषयमा जवाफ दिन तयारी अवस्थामा रहेको बताउनुभयो । आयोगले तोकेको समय अवधिमा आफूले जवाफ दिने उहाँको भनाइ छ ।