काठमाडौं । अभिनेत्री केकी अधिकारीले काठमाडौ-४ का कांग्रेस उम्मेदवार गगन थापालाई भोट मागेकी छन् ।
गगनले सामाजिक सञ्जालमा सार्वजनिक गरेका भिडियो सन्देशमार्फत केकीले गगनको पक्षमा भोट मागेकी हुन् ।
केकीले भिडियोमा सफल राजनीतिज्ञको रुपमा गगनको उदय होस् भनेकी छन् ।
समसामयिक राजनीतिक तथा सामाजिक विषयमा आवाज उठाउँदै आएकी केकीले गगनको खुलेर प्रशंसा गरेकी छन् ।
उनीले गगन थापाको नेपाली कला, साहित्य, संगीत र चलचित्रप्रति अभिरुचि रहेको भनेकी छन् । उनीले भनिन्, ‘राष्ट्रप्रतिको निष्ठा, जनताप्रतिको सेवाभाव र इमान्दारिता, संसदप्रतिको लगाव प्रशंसनीय छ । कोभिड महामारीको समयमा उहाँले म र मेरा शुभचिन्तकको प्रश्नको जवाफ दिनुभएको थियो । संसदमा उहाँले राष्ट्रिय चासोका विषयमा खबरदारी गर्ने कार्यमा महत्वपूर्ण भूमिका निर्वाह गर्नुभएको थियो’ ।
