काठमाडौं । भक्तपुरमा आगलागीमा परी एक जनाको मृत्यु भएको छ । मध्यपुर ठिमी नगरपालिका वडा नं. ६ राइटोल नजिकै भएको आगलागीमा परी एक जनाको मृत्यु भएको हो ।
जिल्ला प्रहरी परिसर भक्तपुरको अनुसार आत्मराम केसी र हरिशरण केसीको ३ तल्ले कच्ची घरमा आगलागी हुदाँ २५ वर्षकी अस्मिता केसीको मृत्यु भएको हो ।
सुस्तमनस्थिति र प्यारालाइसिसबाट समेत ग्रस्त अस्मिता घरभित्रै जलेको अवस्थामा भेटिएको प्रहरीले जनाएको छ । घरभित्रै रहेकी १४ वर्षकी नित्मा केसीलाई भने सकुशल उद्धार गरीएको प्रहरीले जनाएको छ ।
