काठमाडौँ । नेकपा (माओवादी केन्द्र) का अध्यक्ष पुष्पकमल दाहाल प्रचण्ड पत्नी सीता दाहालको स्वास्थ्य अवस्था जटिल बन्दै गएको छ । स्वास्थ्य अवस्था गम्भीर बनेपछि शनिबार ललितपुरस्थित मेडिसिटी अस्पताल भर्ना भएकी सीतालाई नन् इन्भेसिभ भेन्टिलेटर (एनआईभी) मा राखिएको छ ।
१६ दिनको लामो उपचारपछि गत सोमबार मात्र उहाँलाई घर लगिएको थियो । अस्पतालका अनुसार पछिल्लो अवस्था गम्भीर भए पनि आशा मारिहाल्नुपर्ने अवस्था भने छैन ।
सीताको स्वास्थ्यमा छिनछिनमा उतारचढाव आउन थालेपछि विशेषज्ञ चिकित्सकको निगरानीमा उहाँको उपचार भइरहेको छ ।
सीता लामो समयदेखि जटिल प्रकारको रोग ‘प्रोग्रेसिभ सुपरान्युक्लियर पाल्सी ९पीएसपी०’ बाट प्रचण्ड पत्नी सीता पीडित हुनुहुन्छ । चिकित्सकले यो रोगलाई पूर्णरुपमा निको नहुने र रोकथाम मात्र गर्न सकिने बताएका छन् ।
मधुमेह र उच्च रक्तचापबाट समेत पीडित सीताको अहिले अहिले मेडिसिटीमा वरिष्ठ न्युरो रोग विशेषज्ञ डा बाबुराम पोखरेलको नेतृत्वमा उपचार भइरहेको छ ।
