एजेन्सी । बलिउड अभिनेता रणवीर कपुर र अभिनेत्री आलिया भट्टलाई पुत्रीलाभ भएको छ । एचएन रिलायन्स फाउन्डेसन अस्पतालमा आलियाले छोरीलाई जन्म दिएको भारतीय सञ्चारमाध्यमले जनाएका छन् ।
गत वैशाखमा विवाह बन्धनमा बाँधिएका आलिया र रणवीरलाई पहिलो सन्तानका रुपमा पुत्रीलाभ मिलेको हो ।
यसअघि नोभेम्बरको अन्त्यमा तथा डिसेम्बरको सुरुवातमा आलियाले बच्चालाई जन्म दिने खबर बाहिर आइसकेको थियो ।
आलिया आज (आइतबार) बिहानै डेलिभरीका लागि अस्पताल भर्ना भएकी थिइन् ।
एचएन रिलायन्स अस्पताल मुम्बईको गोरेगाउँ क्षेत्रमा छ । यो त्यही अस्पताल हो जहाँ रणवीरका बुबा ऋषि कपुर भर्ना भएका थिए र उनको यही अस्पतालमा निधन भएको थियो ।
