नेकपा (माओवादी केन्द्र) की समानुपातिक उम्मेदवार माया बलमाथि भएको आक्रमणको विरोधमा सो पार्टीका कार्यकर्ताले हरिवनमा राजमार्ग बन्द गरेका छन् । बलमाथि भएको आक्रमणको विरोध गर्दै र दोषीमाथि कारबाहीको माग गर्दै उनीहरुले राजमार्ग बन्द गरेका हुन् ।
सर्लाहीकी बलमाथि नेत्रविक्रम चन्द नेतृत्वको नेपाल कम्युष्टि पार्टीको नेता बताउने हरिकृष्ण पौडेलले आक्रमण गरेको बताइएको छ । पौडेलले बलमाथि ढुंगामुढा प्रहार गरेको र चुनाव प्रचारमा प्रयोग गरेको सवारी साधन तोडफोड गरेको माओवादी केन्द्रले आरोप लगाएको छ ।
इलाका प्रहरी कार्यालय हरिवनले पौडेललाई पक्राउ गरी शनिबार छोडेको थियो ।
