काठमाडौं । मंसिर ४ गते हुने प्रतिनिधि सभा तथा प्रदेश सभा सदस्य निर्वाचनको लागि नेकपा (एमाले) ले आज दार्चुलाबाट चुनावी अभियान सुरू गर्दैछ ।
आफ्नो नेतृत्वमा सरकार बनेको बेला नेपालको छुटेको भूभाग समेटिएर नक्सा जारी भएको बिषयलाई चुनाबी एजेण्डा बनाएको एमाललेले दार्चुलाबाट चुनावी अभियान सुरु गर्न लागेको हो ।
एमाले अध्यक्ष केपी शर्मा ओलीले खलंगामा आयोजित जनसभालाई सम्बोधन गरेर राष्ट्रव्यापी चुनावी यात्राको आरम्भ गर्नुहुने एमाले प्रचार बिभागका उपप्रमुख बिष्णु रिजालले जानकारी दिनुभयो ।
उहाँका अनुसार आजै बैतडी र कञ्चनपुरमा आयोजित सभालाई पनि सम्बोधन गर्नुहुनेछ । चुनावी अभियानका क्रममा अध्यक्ष कमरेड ४० वटा जिल्लामा पुग्ने गरी कार्यक्रम तय भएको छ । एमाले यस पटक मंसिर ४,ओली सरकार ,मिसन १५० भन्ने नाराका साथ चुनावी मैदानमा उत्रेका छ ।
