काठमाडौं । राष्ट्रिय स्वतन्त्र पार्टीले यहि मंसिर ४ गते हुने आसन्न निर्वाचनको लागि चुनावी ‘वाचा पत्र’ सार्वजनिक गरेको छ ।
चुनावका ‘वाचा पत्र’ सार्वजनिक गर्ने क्रममा पार्टी अध्यक्ष रवि लामिछानेले आफुहरु संसदमा जान तम्तयार भएर बसेको बताएका छन् । उनले जनताका सामान्य भन्दा सामान्य माग र चाहनालाई वाचा पत्रमा समेटेको बताए ।
लामिछानेले छोटो समयमा ६२ जिल्लामा पार्टीलाई विस्तार गर्न सफल भएको दाबी समेत गरे । जसले देशका बेथिति अन्त्य गर्न सक्छ उसैमा आफ्नो पार्टीलाई बिलीन गरिदिने उनले बताए ।
उनले आफू देशदौडाहामा निस्किएको बेला जनताले पिउने पानी, बत्ती, पढ्न र उपचार जस्ता सामान्य कुरा माग गरेको बताएका छन । र यि मागहरु पूर्ति गर्न आफू तम्तयार रहेको विश्वस्त पारेका छन् ।
[pdf-embedder url=”https://newspolar.com/wp-content/uploads/2022/11/bacha-patra-swatantra-party.pdf” title=”bacha patra swatantra party”]
