काठमाडौँ । नेकपा (माओवादी केन्द्र) का अध्यक्ष पुष्पकमल दाहाल प्रचण्डकी पत्नी सीता दाहाल डिस्चार्ज हुनुभएको छ । स्वास्थ्यमा सुधार आएपछि उहाँलाई डिस्चार्ज गरिएको हो ।
स्वास्थ्यमा समस्या आई उहाँ १५ दिनअघि ललितपुरको मेडिसिटी अस्पतालमा भर्ना हुनुभएको थियो । उहाँ लामो समयदेखि पार्किसन्नजस्तै लक्षण भएको प्रोग्रेसिभ सुप्रान्युक्लियर पाल्सी (पीएसपी) रोगबाट पीडित हुनुहुन्छ । मस्तिष्कमा लाग्ने यो रोग निकै कम मानिसमा देखा पर्ने गरेको छ । उहाँ मधुमेह र उच्च रक्तचापको समेत बिरामी हुनुहुन्छ ।
