काठमाडौँ । ट्वान्टी-२० विश्वकप अन्तर्गत सुपर–१२ को ग्रुप–२ मा जिम्बावेले बिहीबार पाकिस्तानमाथि एक रनको रोमाञ्चक जित निकालेको छ ।
जितका लागि १ सय ३१ रनको विजयी लक्ष्य पछ्याएको पाकिस्तानले २० ओभरमा आठ विकेट गुमाएर १ सय २९ रन मात्र बनाउन सक्यो । पाकिस्तानलाई जितका लागि अन्तिम ओभरमा ११ चाहिएको थियो ।
पाकिस्तानका लागि सन मसुदले सर्वाधिक ४४ रन बनाए । उनले ३८ बलको सामना गरेर तीन चौका प्रहार गरे । जिम्बावेका सिकन्दर राजाले २५ रन खर्चिएर तीन विकेट लिए । पाकिस्तानको यो लगातार हार हो भने पाकिस्तानले अंक जोड्न सकेको छैन । जिम्बावेको भने दुई खेलबाट तीन अंक भएको छ ।
टस जितेर पहिले ब्याटिङमा उत्रिएको जिम्बावेले ८ विकेटको क्षतिमा १ सय ३० रन बनाएको थियो । सिन विलियम्सले सर्वाधिक ३१ रन बनाए । उनले २८ बलको सामना गरे र तीन चौका प्रहार गरे । पाकिस्तानका लागि उनले २४ रन खर्चिएर ४ विकेट लिए । यस्तै साबद खानले २३ रन दिँदै ३ विकेट लिए ।
यस हारसँगै पाकिस्तानको सेमिफाइनल पुग्ने सम्भावना कमजोर भएको छ । जिम्बावेले भने आफ्नो त्यही सम्भावनालाई कायम राखेको छ ।
