एजेन्सी । फ्रान्सेली क्लब पेरिस सेन्ट जर्मेन(पिएसजी) च्याम्पियन्स लिग फुटबलको अन्तिम १६ मा प्रवेश गरेको छ ।
मंगलबार राति घरेलु मैदानमा इजरायली क्लब मक्कबी हाइफामाथि ७-२ को फराकिलो जित दर्ता गर्दै पिएसजीले नकआउट चरणमा स्थान पक्का गरेको हो ।
पिएसजीलाई जित दिलाउन अर्जेन्टिनी फरवार्ड लियोनल मेसीले २ गोल र २ असिस्ट प्रदान गरे । यस्तै, किलियन एम्बाप्पेले २ गोल गरे भने कार्लोस सोलेर र नेयमारले एक एक गोल गरे । एक गोल भने पिएसजीले उपहारस्वरुप पाएको थियो ।
योसँगै समूह एचमा पिएसजी शीर्षस्थानमा कायम छ । पिएसजी र पोचुैगिज क्लब बेन्फिका दुवैको ५ खेलमा ११ अंक छ । समूह विजेताको टुंगो अन्तिम खेलपछि लाग्नेछ । पुछारको दुई स्थानमा रहेका युभेन्ट्स र हाइफाको ३-३ अंक रहेको छ ।
