बुटवल । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले प्रतिगमन र प्रतिक्रान्ति कम्युनिष्टभन्दा नेपाली कांग्रेस धेरै उत्तम रहेको प्रतिक्रिया दिएका छन् ।
लुम्बिनी प्रदेशस्तरीय गठबन्धन दलका कार्यकर्ता भेलालाई सम्बोधन गर्दै अध्यक्ष दाहालले यस्तो अभिव्यक्ति दिएका हुन् ।
‘प्रतिगमनकारी गठबन्धन रोज्ने कि गणतन्त्र र लोकतन्त्र जोगाउने गठबन्धन रोज्ने भन्ने फैसला मंसिर ४ गते हुनेछ’, प्रचण्डले भने ‘प्रतिगमन र प्रतिक्रान्ति कम्युनिष्टभन्दा नेपाली कांग्रेस धेरै उत्तम हो, नेपालका सबै उपलब्धि कांग्रेससँग मिलेर भएका छन् ।’
शान्ति सम्झौता गर्दा नै कांग्रेस–माओवादीले एकअर्कामा भोट हालेको स्मरण गराउँदै प्रचण्डले अहिले गठबन्धनमा भोट दिन सकिन्न भन्ने विषय उपयुक्त नरहेको समेत बताए ।
