एजेन्सी । अमेरिकन रियालिटी टेलिभिजन शो ‘द भ्वाइस’को ब्याटल राउन्डमा नेपाली मूलकी परिजिता बाँस्कोटाले जित हासिल गरेकी छिन् । जितसँगै उनी उक्त शोको नकआउटमा प्रवेश गरेकी छिन् ।
नेपाली समय अनुसार बुधबार बिहान भएको प्रतिस्पर्धामा उनले ‘हाउ डिप इज योर लभ’ मा आफ्नो प्रस्तुती दिएकी थिइन् । यसमा उनले दुई प्रतिस्पर्धी केसी र लिन्जीलाई पछि पारिन् ।
कोच जोन लिजेन्डको तर्फबाट प्रस्तुति दिएका द मेरिलाइन्ड अन द बी गीजलाई हराउँदै उनले ब्याटल राउण्ड जितेकी हुन् ।
त्यसक्रममा कोच ब्लेक शेल्टनले कोच जोनलाई परिजिताको स्वर सशक्त रहेको बताउँदै उनलाई अगाडि बढाउन सुझाव समेत दिए ।
ब्लाइन्ड अडिसनदेखि नै चर्चामा रहेकी परिजिताले ब्लाइन्ड अडिसनमा गायक ल्याब्रिन्थको ‘जेलस’ बोलको गीत गाउँदै चारै जना कोचको कुर्सी घुमाउन सफल भएकी थिइन् ।
