काठमाडौँ । तरुण दल धादिङका उपसभापति राधाकृष्ण भण्डारी उर्फ ‘राधे’ धादिङबेँसीबाट पक्राउ परेका छन् ।
गुण्डागर्दी र अपराधकर्ममा संलग्न रहेको आरोपमा प्रहरीको निगरानीमा रहँदै आएका राधेलाई धादिङको बीच बजारमा बुधबार दिउँसो भीम गुरुङमाथि तरबार हमला गरेपछि पक्राउ गरिएको प्रहरीले जनाएको छ ।
राधे समूहले मंगलबार दिउँसो धादिङ्बेँसीको बीचबजारमा तरबारले गुरुङमाथि हमला गरेको हो । धादिङबेँसी सिरानबजारका बासिन्दा रहेका घाइते गुरुङको जिल्ला अस्पतालमा उपचार हुँदैछ । उनी पनि कांग्रेस समर्थक हुन् । राधेले गुरुङमाथि किन तरबार प्रहार गरे भन्नेबारे खुल्नमा आएको छैन ।
प्रहरीले यसअघि पनि राधेलाई नक्कली नोट, लागुऔषध र हातहतियारसहित पटक–पटक पक्राउ गरेको थियो ।
