काठमाडौं । समाजशास्त्री तथा आदिवासी जनजाति आन्दोलनको अभियान्ता ओम गुरुङको निधन भएको छ ।
विगत केही वर्षदेखि मृगौलाको समस्यासँग जुधिरहेका गुरुङको नेपाल क्यान्सर अस्पताल हरिसिद्धीमा ७० वर्षको उमेरमा निधन भएको हो ।
त्रिभुवन विश्वविद्यालयमा लामो समय मानव शास्त्र र समाजशास्त्रको अध्यापन गराएका गुरुङले केही पुस्तकहरु पनि लेखेका छन् ।
आदिवासी जनजाति महासंघको महासचीव भएर एक कार्यकाल पूरा गरेका गुरुङ नेपालमा चलेको आदिवासी जनजाति आन्दोलनको एक अभियान्ता समेत थिए ।
