काठमाडौँ । अख्तियार दुरुपयोग अनुसन्धान आयोग हेटौँडाको टोलीले जिल्ला प्रशासन कार्यालय पर्साका कम्प्युटर अपरेटर सञ्जय प्रसाद यादवलाई घुस रकमसहित पक्राउ गरेको छ ।
अपरेटर यादवलाई ५ हजार घुस रकमसहित पक्राउ गरिएको हो । कर्मचारीहरूले सेवाग्राहीसँग खुलेआम घुस लिने गरेको गुनासोपछि अख्तियारका डीएसपी हेम केसी नेतृत्वमा खटिएको टोलीले जिल्ला प्रशासन कार्यालयमा छापा मार्न गएको थियो ।
कम्प्युटर अपरेटर यादवले जग्गा रोक्काको फुकुवा गरिदिन एक सेवाग्राहीबाट घूस लिएको बताइएको छ । पक्राउ परेका यादवलाई आवश्यक कारबाहीका लागि अख्तियारको कार्यालय हेटौँडा लगिएको छ ।
