काठमाडौं । नेकपा माओबादी केन्द्रका अध्यक्ष पुष्पकमल दाहाल ‘प्रचण्ड’ले वाङ्मय शताब्दी पुरुष सत्यमोहन जोशी प्रति को पार्थिव शरीरमा श्रद्धाञ्जली व्यक्त गर्नुभएको छ ।
अन्तिम श्रद्धाञ्जलीका लागि ललितपुर महानगरपालीकाको प्राङगणमा राखिएको उहाँको पार्थिव शरीरमा श्रद्धाञ्जली व्यक्त गर्नुभएको छ । दाहालले नेपाली भाषा, साहित्य र संस्कृतिका धरोहर ‘शताब्दी पुरुष’ सत्यमोहन जोशीको आज बिहान १०३ वर्षको उमेरमा दुःखद् निधन भएको खबरले हामी सबै नेपालीलाई स्तब्ध बनाउाके जनाउनुभयो ।
उहाँलेनेपाली कला, साहित्य र भाषा संस्कृतिलाई नेपाल र विश्वभर चिनाई स्थापित गर्न उहाँले गर्नुभएको योगदान सम्पूर्ण नेपालीका लागि चीर स्मरणीय रहनुका साथै १०३ वर्षको उमेरमा पनि उहाँको सामाजिक क्रियाशीलता विश्वभरिका मानव समुदायलाई उप्रेरणको श्रोत बनेर रहने बताउनु भयो ।
दाहालले नेपाल सरकार र नेपाली जनताले उहाँको योगदान र क्रियाशीलताको सदा उच्च सम्मान गरिरहने छन् भन्ने मैले विश्वास लिएको जनाउनु भयो ।
