काठमाडौँ । नेकपा (एकीकृत समाजवादी) का अध्यक्ष माधवकुमार नेपालले प्रतिनिधिसभाको प्रत्यक्षतर्फ रौतहटको निर्वाचन क्षेत्र नं १ बाट उम्मेदवारी दर्ता गराउनुभएको छ ।
सत्ता गठबन्धनको सिट बाँडफाँटमा सो क्षेत्र एकीकृत समाजवादीले पाएको थियो । रौतहट अध्यक्ष नेपालको गृह जिल्ला पनि हो । नेकपा (एमाले) ले भने सो क्षेत्रबाट कसलाई उम्मेदवार बनाउने भन्नेबारे अहिलेसम्म टुंगो लगाएको छैन ।
