काठमाडौँ । सत्ता गठबन्धनमा सिट बाँडफाँटबारे अन्तिम टुंगो लगाउन शीर्ष नेताहरुको बैठक मंगलबार ३ बजे बस्ने भएको छ ।
सिट बाँडफाँटमा देखिएको विवादलाई मिलाउने प्रयासस्वरुप प्रधामन्त्री निवास बालुवाटारमा सत्ता गठबन्धनको बैठक बस्ने भएको हो ।
हिजो सोमबार बिहानदेखि रातिसम्म प्रयास गर्दा पनि बैठकले बाँडफाँटमा सहमति गर्न नसकेपछि मंगलबार बिहान ८ बजे. पुनः बैठक बस्नेगरी स्थगित भएको थियो ।
मंगलबार ३ बजे बैठक बस्नुअघि द्विपक्षीय छलफल गरी गठबन्धनको बैठक बस्ने तय भएको जनाइएको छ । अहिले कांग्रसले गठबन्धनका अन्य घटकसँग द्विपक्षीय छलफल गरिरहेको छ । अहिले उसले नेकपा (माओवादी केन्द्र) सँग छलफल गरिरहेको छ ।
यसअघिको बैठकमा नेकपा (एकीकृत समाजवादी) का अध्यक्ष माधवकुमार नेपाल र जनता समाजवादी पार्टी (जसपा) का अध्यक्ष उपेन्द्र यादवले आफ्नो पार्टीलाई दिन लागिएको सिट कम भएको भन्दै असन्तुष्टि जनाउनुभएको थियो । यादवले त पार्टीको मागबमोजिम सिट संख्या नदिए गठबन्धनबाटै बाहिरिने धम्कीसमेत दिनुभएको थियो ।
केही निर्वाचन क्षेत्रमा कांग्रेस र जसपा दुवैको दाबी रहेको बुझिएको छ । ती क्षेत्रमा मित्रवत प्रतिस्पर्धा गर्नेसम्मको छलफल भएको थियो । केही सिटमा भने कांग्रेस र माओवादीको दाबी रहेको छ ।
