काठमाडौँ । काठमाडौँ – ६ बाट स्वतन्त्र चुनाव लड्ने घोषणा गरेका अब्दुस मिया नेकपा (एमाले) प्रवेश गरेका छन् ।
बिहीबार एमाले मुख्यालय च्यासलमा सो पार्टीका अध्यक्ष केपी शर्मा ओली लगायतका नेताहरुले मियालाई एमालेमा स्वागत गरेका हुन् ।
मियाले यसअघि विवेकशील साझा पार्टी परित्याग गरी काठमाडौं क्षेत्र नम्बर ६ बाट स्वतन्त्र उम्मेदवारी घोषणा गरेका थिए ।
मियाले रवीन्द्र मिश्र नेतृत्वको तत्कालीन साझा पार्टीबाट राजनीति सुरु गरेका थिए ।
युथ इनिसिएटिभको अध्यक्ष त्याग गरी साझा पार्टीमा सक्रिय रहेका उनी केही समय विवेकशील साझा पार्टीको युवा भातृ संगठनको अध्यक्षको जिम्मेवारीमा थिए ।
