• ९ श्रावण २०८१, बुधबार
  •      Wed Jul 24 2024
  •   Unicode
Logo
Latest
★   नेपालमा विश्वको प्रविधि र समृद्धि भित्र्याउने काममा लाग्न परराष्ट्रमन्त्रीको आग्रह ★   भेडेटारको स्काइ वाक निर्माण सकियो, शुक्रबार मुख्यमन्त्रीले उद्घाटन गर्ने ★   सहज स्तरोन्नतिका लागि इजिप्टले सघाउने ★   टीकापुरमा चितुवाको त्रास ★   हिमा नदी र मार्सी धान खेती, फोटोले नै खिच्यो प्रधानमन्त्री ओलीको मन ! ★   कर्णाली प्रदेशमा आज भारी वर्षा हुने, बाढी र पहिराेको चेतावनी ★   पूर्वमुख्यमन्त्री कार्कीले शौचालयमा थुनेर कुट्ने धम्की दिएपछि सचिव भट्टराईले गुहारे प्रशासन ★   नेपाल एसिया कपबाट बाहिरियो ★   प्रधानमन्त्री ओलीले भने– विद्युत् प्राधिकरणसँग मतभेद छैन, उद्योगीसँग बक्यौता उठाइन्छ ★   अमेरिकास्थित नेपालीको सहयोगमा अनाथ आश्रमका बालबालिकालाई स्कुल भ्यान

निलम्वित प्रधानन्यायधीश राणाको नभएकी छोरी र संञ्चारमाध्यामको नियती



काठमाडौं । निलम्बित प्रधानन्यायाधीश चोलेन्द्र शमशेर जबराको छोरी भन्दै संञ्चारमाध्याममा प्रतिक्रिया दिने व्यक्ति उहाँको छोरी नभएको पुष्टि भएको छ ।
असोज २ गते जबराको सरकारी निवासबाट बाहिरिने क्रममा सुनिधि राणाले आफ्नो पहिचान छोरीका रुपमा दिदै भित्र भएका घटनाक्रम बारे जानकारी गराएकी थिईन् ।

तर राणाले पेश गर्नुुभएको सम्पती बिबरणमा उल्लेख गरिएको पारिबारिक सदस्यको सूचिमा उनको नाम छैन ।

यसैबीच समाचार प्रदायक संस्था न्यूजएजेन्सी नेपालले यसबारेमा आफ्नो संस्थाबाट संप्रेषित समाचारको बिषयमा स्पष्ट पारेको छ ।

न्यूजएजेन्सी नेपालले भनेको छ-

मिति २०७९ असोज २ गते आइतबार हामीले निलम्बित प्रधानन्यायाधीश चोलेन्द्र शमशेर जबरासँग सम्बन्धित समाचार पठाएका थियौँ । सो समाचारमा बोल्ने एकजना महिलाले आफ्नो नाम सुनिधि राणा हो र आफु प्रधानन्यायाधीशको छोरी भएको कुरा मिडियासँग बोल्नुभएको थियो । उहाँले आफु प्रधानन्यायाधीशको छोरी हुँ भनेको भिडियो हामीसँग अझैपनि सुरक्षित छ ।

प्रधानन्यायाधीशको निवासमा प्रहरीले उच्च निगरानी राखेर मानिसहरुलाई आवत्जावत् गर्न समेत कडाइ गरिराखेको अवस्थामा निवासबाट बाहिर निस्किएर आफु प्रधानन्यायाधीशको छोरी भएको र आफुहरुलाई प्रहरीले दमन गरिरहेको भनेर मिडियासामु बोलिसकेपछि स्वभाविक रुपमा उहाँ छोरी नै भएको हामीले ठान्यौँ । तपाई छोरी हो कि होइन ? कसरी छोरी ? जस्ता प्रश्न गर्ने कुरापनि भएन । तसर्थ हामीले समाचार पठाउँदा प्रधानन्यायाधीशको छोरी नै भनेर पठाएका हौँ । यो भिडियो समाचार पठाए पछि केहि स्वतन्त्र ब्यक्तिले ‘आफु प्रधानन्यायाधीशको छोरी हुँ’ भनि भिडियोमा बोल्ने महिला निलम्बित प्रधानन्यायाधीश चोलेन्द्र शमशेर जबराको छोरी हुनै नसक्ने दावी गरे पछि हामीले पनि सन्देह राख्यौं ।

बिभिन्न प्रयास र सम्पर्क सुत्रलाई प्रयोग गर्दै बुझ्दा छोरी हुनसक्ने आँकलन गर्न सकियो, यद्यपि हामीले तहकिकात जारी राखेका थियौं । केहिबेर अघि हामीलाई प्राप्त एक प्रमाणले द्विविधामा पारेको छ । निलम्बित प्रधानन्यायाधीश चोलेन्द्र शमशेर जबराको सम्पत्ति विवरणमा सुनिधि राणा नामको छोरी भेटिएन । यस विषयलाई तत्काल प्राप्त प्रमाणका आधारमा ‘आफु प्रधानन्यायाधीशको छोरी हुँ’ भनि भिडियोमा बोल्ने महिला निलम्बित प्रधानन्यायाधीश चोलेन्द्र शमशेर जबराको छोरी नभएको निष्कर्ष निकालेका छौं ।

हामीले पठाएका समाचारबाट हाम्रा ग्राहक र ग्राहक मार्फत समस्त दर्शक,श्रोता,पाठकमा परेको भ्रम तथा गलत सूचनामा हामी लज्जित हँुदै माफि माग्दछौं । हुनत यो खाएको बीष होइन तर जिम्मेवारी लिन्छौं । धन्यवाद ।