काठमाडौं । निलम्बित प्रधानन्यायाधीश चोलेन्द्रशमशेर जबरासँग महाभियोग सिफारिस समितिले लिइरहेको पुरक बयान सकिएको छ । हस्ताक्षरसहितको लिखित प्रतिमा लिइएको पुरक बयान शनिबार बिहान सकिएको हो ।
हिजो शुक्रबारदेखि सुरू भएको यो प्रक्रियामा समितिले बनाएको ४३ प्रश्नको जवाफ समेटेर जबराको बयान तयार भएको थियो ।
जसलाई निलम्बित प्रधानन्यायाधीश जबरालाई पढेर सुनाउँदै एकएक पानामा हस्ताक्षर गर्न लगाएको हो ।
शुरुमा समिति सदस्यहरूले चोलेन्द्रलाई बयानको अन्त्यमा हस्ताक्षर गर्न आग्रह गरेका थिए । तर, जबराले हस्ताक्षर गर्न अस्वीकार गरेपछि १७४ पेज बयानको प्रत्येक पृष्ठ पढेर सुनाउँदै हस्ताक्षर गराउन थालिएको थियो ।
समितिले उक्त प्रतिवेदनलाई आजै दिउँसो ३ बजे बैठक बसेर संसद सचिवालयमा बुझाउने तयारी गरेको छ ।
